梅季梅季我愛你 - 準備篇

每年一到清明    就知道青梅季節又來啦

 

但今年梅季似乎比往年長  長到   明明今年唔打算浸梅...

 卻被FB看到身邊朋友個多月以來  一呈又一呈的梅酒 梅汁 和梅蜜擊到了

多得朋友和網友們互相報料   終於我比我在荃灣和深水埗街市買到啦!

 

熟左少少啦!    要揀來用

 不過點講都係季尾 ...仲買到唔錯的青梅已經很好了

 

講開又講   原來青梅熟左係好香架!!

香到我將忍唔住   拎左幾粒腍左的熟梅搗爛加蜜糖開水飲

真係好似水蜜桃咁香 ~~~

 

  但係   係酸到爆o既!!! XD

 

好! 廢話講完   開工了!

往年就咁洗 和 先出水的方法都試過   兩個方法成功

所以今年也簡單一點   梅買回來沖洗一次 再用鹽水略浸了約半小時

便放上筲簊  風乾數小時備用

因為今批青梅太香   所以要幫佢加多一個筲簊蓋好   避免小昆蟲來襲 

用前再用廚紙抹一次確保沒有水氣

揀走有破損的青梅不用  

然後用牙籤挑去蒂 (即使沒有梗  相中那個黑色的肚臍也要挑走)

用之前再刺孔便可